“Azərbaycan zərgərlər assosiasiyası” ictimai birliyi 2020-ci ilin Fevral ayında təsis edilmişdir. Birliyin missiyası Azərbaycanın regional zərgərlik fəaliyyət mərkəzinə çevrilməsidir.
Assosiasiyanın əsas fəaliyyət istiqamətləri:
1. Zərgərlik bazarında fəaliyyət göstərən sahibkarları bir araya gətirərək, onlar arasında dialoq yaratmaq; 2. Zərgərlik fəaliyyəti göstərən sahibkarlar ilə Dövlər qurumları arasındakı ünsiyyətdə vasitəçi rolunu oynamaq; 3. Azərbaycanın yerli zərgərlik sənayesinin inkişaf etməsinə dəstək olmaq; 4. “Made in Azerbaijan” zərgərlik brendlərinin artımı istiqamətində təbliğat aparmaq; 5. Yerli istehsal olan zərgərlik məmulatlarının Azərbaycanın ixrac səbətində yer almasına nail olmaq; 6. Azərbaycanın zərgərlik bazarında cəlbedici investisiya mühitinin formalaşmasında iştirak etmək; 7. Zərgərlik bazarında fəaliyyət göstərən sahibkarlara dəstək üçün stimullaşdırıcı tədbirlərin həyata keçirilməsi; 8. Zərgərlik sahəsində məşğulluğun və özünəməşğulluğun artmasında iştirak etmək; 9. Zərgərlik peşəsinə və təhsilinə marağın artmasına nail olmaq; 10. Azərbaycan zərgərlik ənənələrinin qorunub saxlanılmasına dəstək olmaq.
