Məşhur sərmayəçi, “Roger Holding”in İdarə heyətinin sədri Jim Rogers, mərkəzi bankların daha çox pul çap etdiyini (döriyyəyə buraxdığını) və bu vəziyyətin pulun dəyərini aşağı saldığını bildirib. O, əlində qızılı olduğunu, eyni zamanda qızıl və gümüş almağa davam etdiyini söyləyib.
Marja xəbər verir ki, Rogers bildirib:
“İlk olaraq ABŞ-da bir seçki var. Siyasətçilər seçkini qazanmaq üçün əlindən gələni edirlər. Daha çox pul çap edilir. Seçkidən sonrakı 1-2 il ərzində işlər daha da pisləşəcək. Hər yerdəki hökumətlər daha çox pul dövriyyəyə buraxacaqlar. O zaman mən qızılın qiymətinin çox yüksələcəyini gözləyirəm. Bu vaxt qızılın unsiyasının qiyməti 5 min dollara belə qalxa bilər.Qızıl daha çox bahalaşarsa, əgər 10 minə gedərsə bəlkə o zaman sata bilərəm”.
Məşhur sərmayəçi sözlərinə belə davam edib:
“Təəssüf ki, bu vəziyyət hazırda Yaponiyada, İngiltərədə və dünyanın çoxu yerində olur. Mərkəzi banklar daha çox pulu dövriyyəyə buraxırlar. Yeni bir nəzəriyyə də var; MMT (more money today – bugün daha çox pul), bu, daha çox pul mənasını verir. “Narahat olmayın, biz pul çap edəcəyik və bunu xərcləyəcəyik” deyirlər. Kimsə nə qədər davam edəcəyini bilmir, amma yaxşı nəticələnməyəcəyini bilirik” deyib.
Pul çap edilməsinin artması ilə pulun dəyərini nəyin müəyyən edəcəyi barədə məşhur sərmayəçi deyib:
“Tarixdə də gördük. İnsanlar pul çap etdikdə və ya daha çox pul çıxardıqca pulun dəyəri azalır. Bu hər şeydə belədir, çox çıxarılsa onun dəyəri düşür. Real aktivlər ilə müqayisə edildiyi zaman təbii ki, pulun dəyəri düşər. Qızıl və gümüşlə müqayisə edildiyi zaman düşər”.
Həmçiniun Rogers, “Bir az qızılım var və almağa davam edirəm. 2019-un yayından bəri qızıl və gümüş alıram. Çünki tarixə baxdığımız zaman insanlar pula və hökumətə olan etibarlarını itirdikləri zaman qızıl və gümüş alırlar. Alimlər və siyasətçilər bunu etməyin deyir, amma mən onlara qulaq asmıram. Deyirəm ki “qızıl və gümüş almalıyıq”,- deyə bildirib.
Qeyd edək ki, bu yaxınlarda qızılın unsiyasının qiyməti 2 min dolları aşaraq rekord qırıb.