Bugün “Azərbaycan Zərgərlər Assosiasiyası” İctimai Birliyi və “Uzbekzargarsanoati” Özbəkistan Zərgərlik Sənayesi Birliyi arasında Əməkdaşlıq Sazişi imzalanıb.
Sazişə əsasən Tərəflər Azərbaycan və Özbəkistan zərgərlik məmulatlarının istehsalçıları və satıcıları arasında əməkdaşlığa dəstək olacaq, adı çəkilən ölkələrdə yatırım edən və ya fəaliyyət göstərən şirkətlər və sahibkarlar üçün zərgərlik bazarı barəsində aktual məlumatları mübadilə edəcəklər.
Həmçinin Tərəflər əməkdaşlığı gücləndirmək üçün və zərgərlik sahəsinin işgüzar dairələrini cəlb etməklə konfranslar, dəirmi masalar, sərgilər və yarmarkalar təşkil edəcəklər.